A Comisión que está a organizar a Homenaxe a Miro Casabella xa ten unha data: será o primeiro sábado do mes de xullo, o día 5, e todos os actos se desenvolverán en Ferreira do Valadouro.
Nos vindeiros días esta comisión dará a coñecer o programa de actos.
Mentras tanto, todas aquelas asociacións, entidades ou persoas que queiran apoiar esta Homenaxe ao músico do Valadouro, poden comunicalo enviando unha mensaxe ao seguinte enderezo de correo electrónico: homenaxeamirocasabella@gmail.com.
O 5 de xullo, xentes do Valadouro, da Mariña, e da Galiza toda, farán xustiza á figura máis senlleira da música de loita. Miro Casabella recibirá o recoñecemento do pobo, do seu país, do país ao que cantou cando non era doado cantar, nin falar, nin pensar... EN GALEGO!
ResponderEliminarGrazas Miro!
Lionel Rexes. (MOR-Alfoz do Castrodouro)